ഫോണടിക്കുന്നുണ്ട്
എടുക്കുന്നില്ല.
‘ബ്രോവ ഭാരമാ രഘുരാമാ ' എന്ന് വയലിനില്‍ വായിച്ചത്
പല്ലവി, പകുതി മാത്രം പാടി ആവര്‍ത്തന വിരസമാകുവോളം
ഫോണടിക്കുന്നുണ്ട്
എടുക്കുന്നില്ല.
എടുക്കാത്ത ഫോണിനറ്റത്ത് തമസ്സാണ്, തണുപ്പും!
ഇപ്പുറത്ത് അകം മെഴുകായുരുകുന്നത്
അപ്പുറത്തെ തണുപ്പാലാണ്. തമസ്സാലും.
ഉണ്ണീ..
ഒന്നോര്‍ക്കണം...
നീ നിന്റെ കഥ തുടരുന്നെന്നത് ശരി...
പക്ഷെ ഞാന്‍ നിന്നെ കൊത്തി മാറ്റിയിട്ടില്ല..
എന്റെ അമ്മച്ചിറകിനടിയില്‍
നിന്റെ കുരുന്നു സ്പര്‍ശം ഞാനറിയാതെ അറിയുന്നുണ്ട്.
എന്നും...
No comments:
Post a Comment